Филмософско дружење со „Акиндин“ и ФФФ – проекција на филм и предавање

После минатогодишната одлична соработка и уште поубаво дружење помеѓу Филозофскиот филмски фестивал, Филозофското друштво на Македонија и првиот македонски филозофски портал „Акиндин“(akindin.com), логистички поддржани од Градска библиотека „Борка Талески“ – Прилеп, со големо задоволство и нескриена радост ви ја најавуваме и втората наша заедничка дружба – „Филмософско дружење во Прилеп“.

Poster2-1

Филмософкото дружење е договорено за 6 мај, 2016 година, со почеток во 19 часот, во библиотеката „Борка Талески“ – Прилеп. Концептот едноставен: првин следиме проекција на филмот “12 Angry Men” („12 гневни луѓе“) од Сидни Ламет, а потоа предавање на тема „Правдата, казната и гневот: Како се одлучува за животот и смртта?“ ќе одржи професорката од Филозофски факултет Ана Димишковска. После предавањето сите присутни ќе можат да се вклучат во општата дискусија инспирирана и иницирана од филмот и предавањето.

Проверена и добитна комбинација за прогресивна дружба. Повелете, нема да зажалите.

Од организаторите

433 total views, 1 views today